全城劲爆A H1N1(猪瘟)...！！！

呢个月，有笔嘅、blog嘅、有口嘅，都会讲过、写过《一百零一夜》。
套戏素质唔多讲，反而系啲“反评”可以攞嚟笑下。评套戏唔好嘅，通常话佢贩卖印度贫穷、丑化印度贫民区、以歌舞昇平/荷里活美梦淡化印度现实，又话部戏得奖，实质帮唔到印度贫民改善生活。
呢啲评论好笑嘅系，肤浅扮关怀！无线嘅《一百万人的关怀》你...又睇咗未？
电影，从来都系“贩卖”嘅工厂，《奇幻逆境》贩卖廉价浪漫同遗撼；《叶问》贩卖民族意识同武术，但又唔见有人出声，只因印度系一个穷国家！一部电影唔可以改变贫局，系常识，连20个国领袖开会都唔可以即时救贫啦！怪罪于《一》，只系评到冇嘢好评，不如搏个人道主义影评人身份都好。
其实，电影都系一半娱乐一半启发啫！真确程序系，电影影响个人，个人影响他人，齐齐影响社会，过程系就系慢D，不过系要咁嘅！

《一百零一夜》主角一夜脱贫，无耻星爸仲想以一百万美金来卖咗只“金鸡”来脱贫，好彩只系美某记者嘅试探计谋嚟啫！影真无耻！
柏芝都系，一个访问，全城支持大翻身，好过参加“百万富翁”。
柏芝人生经历如果拍成电影，应该离奇过“一”，当然而家未系结局，谢家躬人亦未系时候大跳番场Bollywood Dance！
上个月3份大报，头版都系柏芝，讲真我对事唔对人，呢种现象，实在系“沦落”。根据《大英百科全书》，报纸：提供新闻、观点特别报道和涉及公共利益的咨询的出版物...我实在念唔到柏芝狂插冠希涉及港人边忽利益？。柏芝出现喺娱乐杂志，fine，好顺理成章，但报纸应该系社会嘅最后道德防线，连呢个堡垒都被娱乐攻占时，有时，我哋又不能怪责政府无能，管制D报馆登刊嘅自由。不过都好过D报章头版一开就系D咩党咩派大打出手，你扯甩我旗，我又扯甩番你个胸围啦！又咩“炸尸案中有案，意大利媒体大爆内情—一枪唔死，再补多飞至死”呢则新闻本地报馆系绝对唔敢登出来，系我喺国外报章睇到嘅。呢两件头条足足登足两年，有时嗱起份报纸又睇到个头条咁，真系想嗱手就篺开去！烦唔烦嘅啫！！！

然之后又到成龙篇，哗...劲！！！一边开坛，把机关枪连扫中横3地！劲啊！不过他发嗡风D嘢都唔系完全错晒嘅。就好似依段提到：“中国人系需要管制嘅，包括毒奶品、电器发生爆炸炸伤人、果汁里面加工完全唔拉杠系冇一滴植物成分嘅、山楂饼里边掺石膏粉同发臭发霉嘅烂山楂、D便杉唔洗过就拿嚟着着佐个身体生疮发炎里面生虫、等等...，你睇吓D人无耻到，为开D钱完全唔理人嘅生死！真系讲得几啱哦！因为虽然我都好支持中国，不过我买电器嘅话，即使质素一样系咁屈机，我都系宁愿晒多D钱买日本货都惊买“中国制造”嘅，因为爆炸案听得太多了，不过我屋企应该都唔允许中国电器入侵嘅，因为我系SONY嘅发烧友嚟，所有电器都系SONY系列嚟。至于一D喺中国买好独特好有代表中国嘅杉，我通常会带返嚟洗两次先会开始着。

呢个星期全球最关注嘅热门话题当然系非H1N1(发猪瘟)莫属啦，快杀到埋嚟啦！呢几日行街逛Watsons、Guardian平时D口罩摆喺个架度发晒瘟都冇人会好心嘅买返屋企坉，一听见发猪瘟啫，D人含叭冷惊死咁抢晒返屋企！大马都未被入侵再加上就算入侵都冇咁快杀埋来啦，怡保人原来都好惊死嘅！好彩我都唔晒虅，因为我天生鼻敏感平时有不舒服都会戴住出门嘅，都仲有盒几。听平时买落相熟嘅药房讲买断市同都唔知几时先会来货，因为厂家要先供应俾需要援救嘅国家先。不过我都唔惊，因为她哋都会先留俾我嘅。唉...一句讲晒，猪...都唔系几好惹嘅。真系“猪事多事！”、“猪你全家！”同“猪狗都不如！”，有睇新闻都知，点净关猪嘅事啦，都会人传人嘅！

嗡得太多嘢了？会唔会好似成龙咁会俾人开枪射咧？千祈唔好啊，已经瘦到肉都冇得俾人插了！